Nan peyim

www.encrejournal

Toutan w plis gen konesans, se plis ou pèdi sans

Toutan w plis konn li, se plis ou pa akonpli

Toutan w plis vakabon, se plis yo wèw bon

Toutan w plis etidye, se plis ou mache apye

Toutan w plis sou moun, se plis yo diw konn moun

Toutan w plis bandi, se plis ou pa pèdi

Toutanw plis saj, se plis ou pa gen pasaj

Touta w plis blofè, se plis yo diw fè

Toutan w plis magouyè, se plis yo diw debouyè

Toutan w plis engra, se plis ou manje gra

Toutan w plis visye, se plis yo relew mesye

Toutan w plis raketè, se plis yo relew direktè

Toutan w plis priye, se plis ou piye

Toutan w plis pale, se plis ou depale

Tantou w plis gade, se plis ou degrade

Toutan w plis enplike, se plis ou panike

Toutan w plis cho, se plis ou mancho

Toutan w plis mechan, se plis yo baw ochan

Toutan w plis kapon, se plis ou domi anba pon

Toutan w plis save, se plis ou fè kòve

Toutan w plis onèt, se plis yo bliyew nèt

Toutan w plis konsène, se plis ou paka sène

Toutan w plis anreta, se plis ou byen chita

Toutan w plis anwo, se plis ou towo

Toutan w plis anba, se plis ou tèt anba

Toutan w plis aprann, se plis ou pa konprann

Toutan w plis voryen, se plis ou gen byen

Toutan w plis parese, se plis ou pase

Toutan w plis awoyo, se plis ou pase sou yo

Toutan w plis dilatwa, se plis yo pranw pou wa

Toutan w plis angran, se plis ou ka prezidan

Enfin, que dois-je faire ?

Dois-je laisser ou laisser-faire ?

Haïti, c’est mon pays ou son pays ?

Je sais. Mais ce qui me tue, c’est que,

Ce que je sais, n’est pas ce qui est.

 

Delcarme BOLIVARD, Av. MA

14/06/16