An Ayiti

Voici ce que je ne comprends pas et qui mérite d'être corrigé :

An Ayiti,

1- Depi yon moun bouch li pa pwòp, li rele tèt li politisyen;

2- Depi yon moun konn voye boutèy ak wòch, li gen tan bon poul chèf;

3- Depi yon moun konn boule kawotchou, yo te gen tan wè l kou yon lidè;

4- Depi yon moun nan manifestasyon tout jounen, mache piye magazin, li te gen tan prè pou yo koutel;

5 - Depi yon moun flatè, li te gen tan ka otorite;

6- Depi yon moun fèzè, li te gen tan bon poul dirije;

7- Depi yon moun pa fome, li te gen tan wè se li ki ka fè e defè;

8- Depi yon moun ap bay manti, li te gen tan prè pou l palmantè;

9- Depi yon moun soumoun, li te gen tan popilè;

10- Depi yon moun chita nan baz tout jounen, li te gen tan prè pou l al nan Eleksyon;

11- Depi yon moun ka kole 2 - 3 mo san fondman , li gen tan santi l pwè pou l al pale pou pou pèp;

12- Depi yon moun ap kritike san pwopoze anyen, li gen tan santi l pwè pou l nan leta.

Mesye dam, bagay yo pa dwe konsa, politik se yon Syans ke moun dwe aprann byen yon mannyè pou byen gere peyi a. Se pa ni voye wòch ak boutèy ki fèw politisyen. Ni mache ranpe kay otorite ki pa fòme e ki pa konn g-a ga nan fèy patat ki fèw politisyen. Se pa fè ti pil gwo pil ak yon bann moun ke wap kweve lespri yo, pandan wap chèche geri boskow ki fèw gen tan santi w rive nan politik.

Ba inivèsite peyi a, se fè pwomosyon pou lekselans, bonjan syans ak metòd.
Ba l respè a moun ki konnen tout bon vwe pou dirije nanchon an pou yon Ayiti DJANM e GRANMOUN pou tèt li. Sispann fè voye monte. 
 Si nenpòt moun paka medsen, agwonòn, engenyè, avoka e latriye, ebyen nenpòt moun paka POLITISYEN.

12/05/2017

Delcarme BOLIVARD, Av.MA

 db