Revokasyon delege Yvon e enspektè Carl Henry

Gouvènman Martelly/Lamothe la ap mache chanje kèk moun nan yon seri pòs nominatif olye yo preokipe yo de la vi chè kap cheche pèp ayisyen an. 5 jou aprè revokasyon Me Hilaire Théodore nan ministè ki gen awè ak ledikasyon nan depatman nò a pou plase nan tèt li Me Justin Metellus, se tou pa delege Yvon Alteon ki jwenn revokasyon li pa arete prezidan nan dat 12 septanm 2012 lan e Enspektè Carl Henry Boucher, revoke nan tèt PNH pou rejyon nò a.
    

         Ardouin Zéphirin, se moun ki ranplase delege Yvon aprè 1 an e kèlke mwa nan tèt delegasyon nò a  e Dirèk Jeneral Kesnnel Pierre kom moun ki pran mayèt Polis Nasyonal Ayiti (nan nò peyi a) aprè yo fin mete pye Carl Henry Boucher atè. Nap raple ke se dezyèm nominasyon ke Ardouin benefisye aprè kel te pase yon bon bout tan sou gouvenman Préval/Bellerive la.

Gwo fèt pou si la yo ki kanpe di kote gouvenman tèt kale a pandan ke yon pakèt lòt moun kontinye ap kritike rejim grangou Woz. Kèk nan yo mal wè revokasyon Boucher a, ke dayè yo konsidere kòm konplo politik.Se maten madi 25 septanm 2012 lan ke nouvo delege e nouvo Direktè depatmatal Polis Nasyonal la, enstale ofisyelman nan Pakè Okap la ozanviwon de dizè.

Ouvèti lekòl, chanjman de katèl nan seri de mèri, chanjman nan kèk delegasyon elatriye, se sitou travay sa yo ke gouvennman an ap mennen, pandan ke nan pweske tout vil pwovens yo se sitin, manifestasyon antigouvèman an. Nap raple ke jedi 27 Septanm moun Okap ap pran beton an ankò pou denonse tout grimas ak betiz gouvenman tèt kale a ap mennen.

B. Delcarme